पाढा

आईवडीलभाऊबहीणमित्रमैत्रिणीकलिग्जबॉस
हे तर अपरीहार्यच
त्याशिवायही
माझ्यात आणि जगात अंतर राहू नये
म्हणून सकाळी दार खटखटवणारा पेपरबॉय
किराणा मालाच्या दुकानातील मारवाडी
माझी किंवा माझ्यांमुळे गोची होऊ नये
वाहतूकीची म्हणून ट्रॅफिक पोलीस
इत्यादी इत्यादी सगळेजण ज्ञात आणि अज्ञात...
ह्यांना वजा करून जो काही उरतो मी
तो म्हणजे शून्याच्या आसपास
डेसिमल्सच्या अनंत चेनसारखा
पूर्णत्वासाठी झगडणारा...
एक छाटछूट अवशेष...
ज्याला तुम्ही 'आयुष्य' म्हणता
आणि ते मी ही जगून घेतो
शून्याचा पाढा म्हणत वारंवार!!!